自煮 - 蒜頭蛤蜊雞湯 台式風味 FIKA鍋

 自煮 - 蒜頭蛤蜊雞湯 台式風味 FIKA鍋

週末宅在家，想煮一些新菜式。

臨近新年，整條街都放了很多東西在路邊賣，年花、年貨、急凍海鮮等，人也十分多，真不想出去迫，如果可以的話，超市買食物、生果更好。

超市有時有特價肉，都幾抵食，買到一盒無激素鮑魚蒸雞，原價$48特價$29，即日到期。還發現雞肉多是脾部分，很嫩滑。

我就不用它來蒸，用來煮願望清單中的「蒜頭蛤蜊雞湯」

材料：

1. 蒜頭 (大約是雞的1/3份量)

2. 沙白一斤 $32

3. 雞隻肉切件

做法:

1. 雞件煎香炒香，可以落少少鹽，油就不用放很多，雞件都會出油。

2. 放一半蒜頭炒香

3. 加餘下蒜頭及加水蓋過材料，細火煮約20分鐘。

4. 加沙白、紹酒、加蔥，大火煮至沙白開口，也可在開始開口時關火蓋上蓋焗熟它，令肉質更滑。

檢討:

1. 我辛苦剝的原粒蒜頭, 想不到這麼快煲成粉碎, 下次可以最後10分鐘才下, 以保它完整。蒜頭一點辛辣刺激都沒有，變成像薯仔般的味道。

2. 成品湯頭有酒香, 蠻鮮味, 蒜頭味也很香濃。但我稍嫌酒味太多，或者下次早點落酒，或落少一點。

3. 雞件雖然即日到期，都好有鮮味，抵食，又好過冰鮮雞。

4. 沙石蜆都有開中火至幾乎全開，因為想揮發酒味，但仍然鮮嫩美味。