復活節雜記 西貢食海鮮 北上 玩新pocket 3

今天復活節和清明節撞了，一連有五天假，

2026年4月3日第一天

去西貢六福菜館group tasting，食海鮮最開心，還要是米芝蓮一星，太開心~仲有agent順風車坐，慳返少少車錢~

夜晚旺角逛逛，食花園餐廳，最近買了dji pocket 3，誘因係一個美容院合作要求拍一些日常小片段，自拍的，好像用這部機比較方便～

在牛頭角一間小店買$2780，官方$30xx，網上見比剛推出時平了大約一千~

買左之後發現citibank信用卡竟然出新卡簽賬就送，太過份，但我本來都有這張，不符合資格～

2026年4月4日第二天

本來想返深圳唱k，但暴雨預報，只好改唱k，又返近羅湖的奧若ktv，最後只剩二人，唱之前去喜上鴿食lunch，乳鴿最好食，香港食唔到咁嫩咁多汁，不過如果叫兩隻，最好一先一後叫，就唔會凍咗～

其實唔特別鍾意唱k，只係返去hea下食下野，因為復活節假無咩做

夜晚有個朋友join，我地去金光華拎飛，最後排到客語，我覺得客語性價比好高，單價較低，滿足度較高～

走的時候去永輝超巿，買左新版乳酸回家~

回到家見無落雨，快快踩返轉單車去屯赤來回先~補返今日踩唔到單車

2026年4月5日第三天

做家務，清潔，洗衫，換季發現白色衫變黃變舊，想用清潔劑洗洗試試。

然後化妝，用counpon去venchi食雪糕，做gym拍片(交功課)，剪下片，好快過咗一日～

2026年4月6日第四天

拎車仔去街巿買肉買菜買生果買日用品，做個短gym，去紅茶食tea，回家煲個藥材湯，再收衫洗衫～

2026年4月7日第五天

買了個fika大煲，昨天也買好材料，來煲個烏雞淮山紅蘿蔔粟米湯，加了大量蟲草花(清貨，發現過期了)、瑤柱、螺片等，煲兩個鐘雞好軟，可以食晒，湯超甜超濃，我覺得而家我好識煲湯，個湯可以之後幾日返工lunch，再帶d菜就夠飽。夜晚再去做gym，放假有時間可以勤力點，平日時間太少了。

假期過得太快~

買新Fika煲 牛奶煲和老火湯煲

發覺G market比幾年前少了很多fika煲款式，於是在它的韓國官網嘗試買https://neoflamshop.co.kr/，但最終因要指定韓國信用卡付款，無法完成下，只好找buyandship代購。

//

Fika 粉紅色16cm煮麵煲有出水咀 ₩37600 (連代購費 大約hk$206) (連運費共約$300左右)

同款米色版本₩38900 (連代購費 大約hk$211) (連運費共約$300左右)

原本的煮麵煲應由入伙用到現在，除了手抦有點鬆，沒大問題，但它沒出水咀，這次想換個有咀的試試。原本的是18cm，有咀款式是16cm，但容量不變，所以新的會比較窄和高。

另外同款米色是幫朋友買的。

開箱後發現，煲比想像中細，買錯了，原來它是煮牛奶而不是煮麵，麵餅也放不落，所以希望上網賣掉它，另外再買適合的。

//

Fika 米白色26cm煲湯煲 ₩55000 (連代購費 大約hk$300)(連運費共約$450左右)比香港買的便宜了大約三成

因為金樂電子湯煲壞了，想轉輕便的湯煲，明火也可以，就試試。

我本來也有Fika雙耳湯鍋 22cm，煲出的湯沒太大問題，可能差少少濃度，但可接受。唯一缺點它只有2.6L，令我煲蔬菜湯要分批煲，很不方便。

這次買的26cm煲有5.4L，足足兩倍，應該夠大了吧。

和舊鍋一起影，真的大很多。

發現個底有不同，新的是平滑的，舊的有小圓圈。

終於有大煲，立即試煲個烏雞湯，加了淮山、粟米、紅蘿蔔，都夠位，想不到它可以做到金樂的效果，煲到濃好郁同雞煲到散開軟嫩，超滿意！

//

再次找代購，在韓國買回適合的煮麵煲，代購加運費每個煲大約$300，千色賣$999一個，大約三折價錢。其中一個幫朋友買的。

我自己用粉紅色，終於和其他粉紅鍋揍成同系列。

但買了後不久，萬寧竟然推出印花／yuu分換neoflam fika煲還要made in korea，之前未見過這個款，實物似是灰粉色，如果早點出，我會用yuu 5000分+$259 26cm煲湯煲，至於yuu 5000分+$179換煮麵煲，可能還是會買原本的，因為木手柄加上粉紅色較討好。