粉嶺老徐農莊士多啤梨園

好多年無去摘士多啤梨了，印象中有工作上跟本地團去的，有跟姊妹去的。

可能沒有旅行的日子太悶吧，總想偽旅行出走行下，拍下照。

一個平日的日子，朋友駕車來，但因行錯路，又要上山，又行了多塵崎嶇的路，又有工地，像返了大陸的感覺，傷了車又污糟，感到中伏。

來到老徐農莊士多啤梨園，入場免費，有幾個士多啤梨田，不多人。

摘幾多士多啤梨就秤，這天場內士多啤梨都有些幾靚，摘了一些品嚐。有陽光又有田園景色加上藍天，拍了些照都幾好睇。

我摘得不多，精選。

我發覺摘下來的士多啤梨好脆弱，放幾個鐘回家已有一部分變淋，但正常狀態下的士多啤梨是很軟多汁和甜的，如果可以下次即場洗洗即食會更好。

這份量的士多啤梨約三十元，車厘茄二十，還有五十元三包的菜／蕃茄／湯包，全部都有質素。來到這必買，特別是蕃茄，只有幾小個但能煲出像羅宋湯濃郁的蕃茄薯仔湯，一絕。但忘了影相。

有新鮮庶汁，二十幾元有點貴但可加青檸，又別有風味。