2026.1.5 (一)
9點起身 10出門check out
行去金利食店吃早餐
牛腩咖喱雞米 $48 全部default咖喱湯 帶點濃稠濃味
細魚蛋米加熱奶茶$42
街上的收垃圾車都好美
之後去葡京搭免費shuttle bus去上葡京，在上葡京去廁所順便行一轉，行到有點迷路，商場太大，出路指示不足。
搭巴士去氹仔碼頭，11:50 到氹仔碼頭，我們想在此放下行李，因昨天沒有行李行得很輕鬆，但見到儲物櫃$20一個鐘，實在太貴，決定放棄。
為了節省時間，我們由氹仔碼頭直接坐的士去路環，$21起標 十多分鐘已經$95，跳得好快，如搭巴士要一個鐘，不過後來才想起，根據經驗巴士車程實際時間係比較少。
的士直達安德魯餅店
買了葡撻$11 來路環必食 安德魯本店 外脆內嫩 也不會太甜 比Bamu的暖
重回舊地 而身邊的人而不同了 這就是人生 學會適應身邊的都只是過客
這間小店佈置好靚 可惜今天沒開
澳門路環壹號 (在小日子旁) - 一間賣畫的小店 又做埋手沖飲品 招牌檸茶大大杯$19 而且好飲 大三巴附近起碼要三十幾
小日子 文青雜貨小店 很喜歡 也逛了很久
買了戒指 $79/隻 好多款式 選了很久
這貼子都可愛 想買
買了這杯墊 很好看
戰利品
去澳門!避雷注意!
這間排隊店＜橋記咖啡美食＞，入到去我地望來望去都找不到餐牌，桌面和牆上都沒有，我們唯有望望其他人吃什麼跟著食，叫了番茄湯豬扒蛋公仔麵($55)和熱奶茶($18)，味道普通，不太突出～
埋單加埋MOP$73，價錢在澳門來說偏貴。
我用微信支付，掃到的碼竟然是收人民幣，我不敢相信，以為自己設置錯了～再掃多次都一樣
在澳門消費，怎會是收人民幣？而且是要一兌一！即是MOP$73變成MOP$84！
在其他澳門商店食店，我們用微信支付寶付款全部都是收澳門幣！
最後我比港幣，他找了澳門幣給我~
入去圖書館走一轉 不許帶飲品入去 好嚴
之後搭巴士去新濠影匯 坐8字摩天輪
這隻好有趣 對眼好像追住你走
8字摩天輪
walk in價$100/位, klook $80/位, klook特價時$90/2位, 我們買了$90/2位
好海洋公園賺遊客錢的感覺, 不斷幫我們影相, 事後又sell野
摩天輪在23樓, 當天完全不用排隊, 直入, 部分底下位置是透明, 都有點驚, 會想起死神來了的情節
我們不斷拍照 感覺好快玩完 大約十分鐘
15:40 搭巴士去官也街
其實今天吃的東西不多, 早餐吃了一個米粉, share了一碗公仔麵, 一個葡撻, 不過今日戰鬥力麻麻, 都沒有肚餓的感覺, 可能搭巴士太chok, 有一程巴士甚至有令人想作嘔的異味
而今晚會早吃飯, 所以還是在這邊不吃東西了, 只是周圍拍拍照
龍環葡韻一間賣手信的店 價錢不貴 也有特色
【澳門土生菜初體驗🇲🇴｜龍環葡韻4.9分高質小店✨】
去澳門前做咗好多功課，而家先知原來有土生菜呢樣野！土生菜係澳門獨有嘅融合菜，係葡萄牙菜混合咗中葡、東南亞同廣東風味～最後揀咗位於龍環葡韻嘅呢間餐廳，Google Map有4.9分，仲要係我以前拍拖小旅行嘅回憶地💭（不過從來未喺度食過晚飯！）。
餐廳位於擁有百年歷史嘅葡式建築入面，走入餐廳好似去咗人地屋企食飯，木系傢俱雅緻，餐廳唔大，記得一定要訂位，我地平日夜晚去都全場滿座，因為我們早到，不到六點就到，所以可以揀位。
服務好好，waitress主要英文溝通，都識少少廣東話，好親切成日微笑，仲有免費暖水提供～ 廁所就簡樸少少，建議可以去外面龍環葡韻嘅廁所仲靚。
🍹 飲品：
🔸 Sangria紅酒 $68
果味同酒味平衡，易入口，配海鮮飯好夾。
🔸 無花果冰 $38
香甜得嚟唔會假，清新解膩。
🔸 馬介休球 $78
外層炸得鬆脆香口，入面係魚肉混合薯蓉，口感綿密，不過有少少乾。
🔸 海鮮燴飯 $298（1-2人份）
湯頭好鮮甜，蝦同青口都大大隻，蜆size正常。海鮮全部煮得剛好，也新鮮，味道也不會過鹹，蝦肉爽彈，無過熟。飯量超多，好快就吸晒啲湯汁，好入味～ 兩個人食唔晒個飯！
🔸 雲耳免治黑毛豬粉絲 $148
用中式醬汁炒，味道好熟悉，似屋企煮嘅餸～單食偏鹹。如果唔想食太中式嘅菜式，呢個可以skip。
🍮 甜品：
🔸 木糠布甸 $58
Cream好幼滑，甜度適中，而cream嘅比例多過餅碎！
埋單總數$767，以環境、服務同食物質素來講，價錢合理。食完晚飯行出嚟，見到成個建築同外面嘅樹掛滿燈飾，浪漫感即刻上升💖 個人會比4.2/5分，整體體驗不錯，下次再來試其他菜式～
📍土生公館
📍氹仔舊城區海邊馬路龍環葡韻地舖
走的時候可以欣賞一下燈飾
8點前我們已到碼頭，等9點的船，過關都快，但等船都多人，turbo jet比金光飛航「拋」，外星人說聽到有人嘔吐，我就睡了。
沒有用儲物櫃，拿著東西一整天，但沒想像中的辛苦，旅程完滿結束，順利去了不少想去的地方，吃了很多美食！不過去澳門消費稍貴，去深圳性價比會高點～
（完結）
