新橋 - 中菜版廚師發辦六道菜

19.10.16 (三)

食日本菜omakase廚師發辦食得多, 中菜版的廚師發辦又食過未? 

新橋做私房菜形式, 但和一般私房菜有那麼一點點分別, 嚴選時令食材, 每月約轉換菜式兩次, 新鮮感十足, 也保証食到的都是優質貨色。

朋友相約美食飯局, 揀選了在尖沙咀今年新開的私房菜新橋, 餐廳有一大幅牆身畫上美景油畫, 很有藝術氣息, 座位優雅高貴。

廚師發辦有六道菜, 都是精心製作, 到齊人才即炮製, 包保新鮮熱辣, 甚有質素, 和一般中菜餐廳的流水作業製作, 吃得到其心思, 有明顯的分別。

1. 柚子醋汁蕃茄石蚌

石蚌是貝殼類產物, 口感爽脆, 味道鮮甜, 像切薄片的象拔蚌, 配大廚自家調製柚子醋, 酸中帶咸, 不但沒蓋過鮮味, 令其味道更顯吸引, 好開胃, 最後連蕃茄也不放過, 這醬料配什麼都好吃吧, 無得輸。

2. 鵪鶉松茸菌豬展燉湯

燉湯樣子清徹, 不像老火湯般混濁, 完全不油膩的感覺, 味道卻是出奇的濃, 及有食材的甜味, 用燉煮的方法, 把鵪鶉、松茸、豬展的精華迫出來, 喝得出來用上不少材料來燉, 無加味精, 效果比老火湯更好! 很愛喝湯的我, 喝著這湯不期然感到幸福!

3. 焗釀芝士蟹蓋

先將蟹拆肉, 混上洋蔥粒, 調味後釀入蟹蓋裡, 鋪上芝士在頂焗製。先吃到很多清甜的洋蔥粒, 再有手拆蟹肉的鮮甜, 食蟹不用自己拆殼, 皇帝式的享受, 味道有芝士牛油的香味, 小小的蟹蓋, 大大的滿足。

4. 特濃蝦湯帶子餃

從未喝過這麼鮮甜的蝦湯, 蝦味超濃郁也有點像龍蝦的味道, 店員說是用蝦殼及龍蝦殼(如有)熬製而成的, 非常濃香, 比吃原隻蝦更滋味, 原來秘密在於蝦湯裡加入雞熬煮。湯中間有隻超大餃子, 皮薄薄的, 裡面帶子柔嫩鮮美, 以黑松露提升其香味, 每一啖都是享受。

5. 白胡椒澳洲皇帝大蝦

皇帝大蝦果然夠霸氣, 噸位十足, 吃這種爆炒大蝦常有一個問題是調味停在外層, 沒能滲進裡面, 要品嚐調味滋味唯有啜殼, 這些蝦卻沒這問題, 不用刻意嚐殼上的風味, 白胡椒及微辣滋味早已入味蝦肉裡, 而蝦肉亦非常新鮮, 煮到剛剛好, 保留水份彈性, 蝦香濃郁, 要給一個讚! 每人有兩隻蝦, 份量剛好!

6. 金榜醬日本稻庭麵

本人見識太少, 從未食過金榜醬, 原來很像喇沙湯味, 很濃香, 和第四道菜蝦湯一樣, 也是喝過清光才罷休! 日本稻庭麵樣子像我們平常吃的烏冬, 但它超級滑溜, 口感一流, 掛湯力強, 超喜愛的呢! 

除了蝦以外, 其餘菜式都是每人一碟的, 打破了我對中式私房菜的感覺, 倒是比較像吃西餐, 而每碟都很精緻, 啖啖珍貴, 都是精心炮製出來, 份量不會太大堆頭, 就是剛剛好。

吃罷超水準的六道菜, 由於味道太好, 令人意猶未盡, 如果有個甜品就更完滿了, 吃完了心靈上仍有渴求, 很想再吃多點, 滿足味蕾, 唯有跟朋友約定下次轉菜單後再來, 我們都很滿意這一餐呢, 精采得令人印象難忘的廚師發辦私房菜!