魚味巿場 - 大件抵食的街坊店

星期六晚想食壽司, 又不想去屯門巿廣場迫, 在置樂這間小小壽司店, 主要做外賣, 店內亦有四個位坐, 剛好我們去到有位。

我們叫了不少食物, 二人消費二百八十幾, 價錢都算實惠, 以下是部分食物食後感:

面豉湯 $6 - 清清地, 唔會太咸, 有d 海帶食。

蟹羔壽司 $23 - 蟹羔幾鮮味, 無怪味, 底下仲有d 蟹柳/ 蟹肉, 滿滿的很 多料。

芝士蟹籽壽司 $23 - 芝士好濃郁, 撈埋蟹籽質地杰杰地, 蟹籽脆卜卜爆開咸竹香味。

海膽花之戀壽司 $39 - 海膽無腥味無怪味, 少少甜, 但鮮味不夠濃, 未夠香, 三文魚頗新鮮肥美, 都聽到不少客叫三文魚刺身一磅外賣呢, 香港人很喜歡食三文魚。

吉列炸蝦反卷 $42 - 炸蝦好香脆, 配了一小塊青瓜, 反卷飯量多到有點嚇人, 加起來足夠一大碗飯的量, 男生叫這個當晚飯也很飽吧, 而我就覺得這樣的卷有點港式, 抵食夾大件, 是用來迎合街坊需要吧。

紫芋甘栗薯餅 $32 - 又是新鮮炸好脆口, 紫薯同栗子好夾, 又好香, 薯泥打得夠細緻軟綿綿, 蠻喜歡的, 只是有點熱氣, 吃完喉嚨痛。

牡丹蝦刺身 $50 - 都有點鮮甜感, 一隻大一隻細少少, 大的那隻, 蝦頭好多膏, 勁香濃, 正呀。

中華海哲壽司 $11 - 海哲切成細細片, 方便進食, 好清爽, 調過味後, 不用點豉油都夠味了。