朋友喜歡到處去發掘美食, 最近最新推介的是這一間, 位於佐敦區但較遠離中心點, 有點隱秘的地方。現場所見, 似乎是街坊食堂, 大家都豪邁地暢飲暢談和暢食。座位有點迫和有點狹窄, 但為了吃地道美食, 價錢不貴的, 相就一下又有什麼所謂呢?
魚子醬焗桶蠔 $188 - 魚子醬原來是蟹子的醬, 無腥味, 桶蠔勁大隻, 炸到香脆, 咬下去蠔隻爆汁, 啖啖鮮味, 超正, 又好特別!
豉椒炒聖子皇 $160 - 聖子皇起肉炒埋一碟, 再放返上殼上, 用豉椒炒好惹味, 夠鑊氣, 聖子鮮味又彈牙, 青椒紅椒粒也吸收鮮味, 洋蔥又甜, 一定要食。
蒜蓉蒸貴紀蚌 $140 - 貴妃蚌好新鮮, 蒸到岩岩好, 肉質唔會過韌, 呢個好緊要! 曾經在韓國食過超韌的蚌, 而家仲嬲緊! 講返呢隻, 唔只肉嫩 粉絲吸左鮮味, 蒜味香濃, 都係精華呢!
冰鎮鮑魚 $260 - 咁白雪雪, 咁大隻的冰鎮鮑魚, 第一次食, 用冰鎮整法, 好似特別的彈牙, 亦好鮮甜, 食隻咁厚肉的鮑魚, 係至高無上的享受。
薑蔥炒羔蟹 $256 - 二百幾元這麼大隻羔蟹, 咁好肉, 實在抵食! 薑蔥炒好入味, 好香, 肉質係新鮮既, 呢碟食到要啜埋手指先得!
講到食海鮮, 大家都會諗起流浮山、西貢、鯉魚門等這裡出名但比較貴價的地方, 想不到近在佐敦都有靚海鮮食, 海鮮最呃唔到人, 吃得出的新鮮, 就在麻巿!
沒有留言:
張貼留言