25.8.16 (四)
朋友約食放題最開心, 可以暢食暢飲, 盡快開懷。最近旺角的御滿屋很火熱, 今晚我們選了這間, 8:45-11:15pm 時段, 去到非常多人, 最好先訂位。
飲品的選擇不少, 總會選到自己喜歡的, 最特別的有Hoegaarden Rosee, 不過可能因為受歡迎, 所以不太夠凍。
Hoegaarden Rosee不太夠凍, 影響口感, 一支就夠。
韓國乳酸飲品, 不太濃。
蟹籽沙律, 味道可以, 但有點出水狀況。
海膽手卷, 海膽無怪味, 甜甜地, 唔苦, 紫菜淋到咬唔開!
刺身只係試少少, 最好食赤蝦, 但味道亦未算好鮮。
火炙三文魚, 三文魚咁淺色的, 入口好肥多脂, 有點奇怪。
鐵板醬汁魷魚筒, 軟身有彈性, 夠味, 放題黎講, 份量有點太多。
鐵板牛油香蒜帆立貝, 似有d 柚子味, 個醬汁都幾好味, 帶子煎得香, 無煮過火。
鐵板炒雜菜, 奇怪雜菜幾乎都是芽菜, 叫炒芽菜比較對吧, 芽菜好爽又唔太咸, 不錯。
薄燒牛肉卷, 肉質太粗糙了。
鐵板大蝦同上邊個帆立貝醬汁一樣, 蝦肉不霉但有d太實欠爽。
燒菠蘿, 好甜又多汁, 叫左幾次!
天婦羅: 蝦無咩味, 秋葵一咬即同炸殼分離, 白飯魚幾特別, 總括炸醬較厚, 但脆和新鮮即炸。
芝麻雞翼熱辣辣又脆口, 肉超滑又多汁, 推介!
炸榴槤中間的榴槤非常濃郁。
芝士年糕有流心效果, 也是熱辣辣, 有驚喜。
燒紐西蘭羊鞍, 劃左幾次都無來, 然後又黎左兩次, 令人不知所措。
羊鞍肉軟淋, 黑椒味重, 頗羶味。
燒海蝦, 亦是落了好多次單, 表面好多鹽, 蝦肉算新鮮爽口。
清酒煮蜆, 蜆大隻但無咩味, 有少少沙, 湯底甜甜地本來不錯, 可惜蜆不新鮮累事。
最後有movenpick雪糕一人一個, 揀左朱古力味, 好香濃甚至有少少苦, 我卻喜歡, 不愛太奶味的朱古力, 這就夠純, 而且好多粒粒朱古力碎, 滿足。
總括, 對熱食滿意, 好多都熱辣辣似即煮, 好有誠意, 刺身壽司就一般, 漏單錯單情況有待改善。
沒有留言:
張貼留言