踩單車 順便欣賞鳳凰木

21.5.16 (六)

平日晚上太忙碌, 難得星期六放假而灰熊返工, 我偷到一點閒, 可以在樓下踩單車運動一下。話說最近買了一架二手JAVA單車, 價錢是$1200, 新車好像要三千幾, 二手都好新淨, 而且賣家好好, 肯由天后送過來我家附近給我, 就成功交收。貴的單車果然與別不同, 好好踩, 很輕鬆, 不需用蠻力, 上斜去天橋, 也絕無問題。

今天踩單車有驚喜, 可以順便欣賞到天水圍區的鳳凰木, 鳳凰木現正盛放紅色的花, 又叫火鳳凰, 如果一排種植開來, 應該不輸櫻花, 可惜香港政府只是散修修的種。

花已開始落了, 但用上花瓣為地下鋪上紅地毯, 更添韻味呢!

下年的五月天, 記得也要欣賞鳳凰木啊!