update on 11.7.17
美國華盛頓金車厘子 $70/磅
甜度高, 好多汁, 它是頗脆弱的, 拿回家時要小心避免碰撞到, 否則就會變瘀色和出水, 我也碰到一點, 還好沒影響味道。和原本深紅的車厘子比, 這一隻的確好吃多, 一點酸味也不會有, 一般較靚的紅車厘子都要>$50/磅, 間中比多少少吃這一種也不過份吧。
紐西蘭玫瑰蘋果 $40/8個
之前食細細個的ROCK IT火箭蘋果一試愛上, 但吃過這隻玫瑰蘋果的, 就不再回頭, 因為它SIZE較大, 比ROCK IT抵食多了, 蘋果是常常食的東西, 價錢要親民一點吧, 味道方面也很好, 也是皮爽而不厚, 肉爽又香甜, 比一般蘋果好吃多了, 可惜至今只在果欄見到過, 每次都要擔泥般的拿著重疊疊的生果去吃晚飯然後拿回家。
馬來西亞紅肉火龍果 $40/4個
紅肉火龍果甜度比白肉高, 有種如蜜糖般的味道, 紅肉火龍果營養價錢也較高, 有花青素可抗氧化抗自由基, 也如白肉般有豐富纖維, 而果欄買的紅肉火龍果特別靚, 又大個又飽滿, 街巿的會較細小及起斑點, 所以即使它很重, 也偶然會抬幾個回家。這原本有四個的, 分了一個給朋友。
update on 29.5.17
台灣愛文芒果 ($50/2個)
一直都想在果欄買愛文芒果, 卻很少遇上, 這天見到有$100/4個, 一個人吃不到那麼多, 就要了兩個, 說不許揀, 回家發覺有點黑點, 幸好那只是在表皮, 不是爛的, 裡面仍可食。
有這麼大個, 忘了影裡面, 其實我印象中的愛文芒比較紅色, 但這個橙紅色, 也熟了要吃的了, 芒果味好香好香, 肉都甜, 都無我印象中在台灣食的咁甜, 好想去台灣食生果, 哈, 都好耐無去台灣了。
美國加州車厘子 ($50/磅)
呢期興呢隻車厘子, $50/磅不算平, 但質素佳, 都抵食, 大大粒呈飽滿, 好香甜啊。
日本熊本蜜瓜 ($100/兩個)
相信兩個蜜瓜都相當熟, 買完回家立即切件處理, 切開已感受到它非常多汁, 真是與別不同, 怎麼日本可以種到這麼好的生果?
瓜肉又香又軟又甜又多汁, 好好味!
不過我買完$100/2個時, 見到餘下的3個又賣$100, 感覺有點蝕, 下次睇定啲先, 哈!
紐西蘭rock it火箭蘋果 $55/5個
小小的蘋果, 真是殊不簡單, 超清爽的口感, 前所未有, 乾脆利落, 味道似蜜糖的甜, 皮薄脆, 令人再三回味。
蜜蜂橙 $25/5個
這隻橙好甜, 但就好少見, 街巿通常只入新奇士貨, 果欄見到, 知道重都要買來食!
updated 22.3.17
智利藍莓$50/4包
藍莓價錢可高可低, 這價錢算抵食了, 所以買點回家。
日本青森蘋果$50/4個 (收工價送多1個)
青森蘋果好出名, 出品當然有保証啦。
鹿兒島/台灣柑桔 ($20/包)
最近發現這些連皮食的柑桔也不錯吃, 盒裝的是鹿兒島的, 包裝有日文字店主卻說是台灣的, 估計台灣的比較差, 但卻也有質素, 薄皮, 甜而無渣, 易咬, 鹿兒島的更不用說吧, 這些小生果吃得方便, 不用去皮。
智利牛油果 ($50/4個)
最近有興趣食牛油果, 就試試來果欄買, 據說外皮變深色, 手按淋淋地, 就可以食了。
牛油果狀態非常好, 香軟新鮮, 不過一人吃一半已覺飽膩, 最好跟同事分享。
Cotton Candy澳洲綿花糖提子$30/磅
(圖下這包$70, 足夠兩個人分食)
真有陣似綿花糖的香味, 好吸引, 細細粒, 呈偏黃色代表甜度高, 要揀個枝綠色代表新鮮, 啡色就無咁靚啦, 提子個味道香又甜, 我覺得有點像日本香印提子的味道呢, 據說當造期只有一個月, 要食就快了。
紐西蘭BB奇異果$20
細粒到好似提子咁, 個皮薄薄的, 無毛毛, 可以連皮食, 甜度都幾高, 無酸澀味, 不錯呢!
update 3.3.17
金奇異果$30/10個
好大隻, 全部都好生, 好硬, 要等佢熟
店主話等兩三日會熟
但...實際是要等兩三星期, 還未熟晒!!!
而且當中有開始熟的, 好快就爛(臭), 也不會熟到剛好, 即是熟唔晒已要食, 否則會爛, 結果就是不好吃!!
南非無花果$40/盒
之前買過一次無花果不怎麼樣, 今次再買, 呢隻好得喎!
買返黎時基本熟晒, 淋淋地咁, 店主話仲可以放一星期, 放雪櫃生果格, 結果放幾日果然都無事, 而無花果亦好香甜!
update 13.2.17
福崗博多草莓$80/盒
石龍街左手面第一間, 不斷開箱同好多人搶買, 忍不住買了兩盒, 味道又香又甜又多汁, 新鮮狀態剛好!
抵過在日本買, 堅!
1.11.16 (二)
(踏入石龍街右邊第一間)
日本大分縣柑 $25
原價$50一包, 臨收工剩返兩包大分縣柑, 買一送一, 剛好一位女士同我對此柑有興趣, 就一人一包每包$25了。
買生果很喜歡問檔主甜不甜, 檔主亦有標準答案: 「甜!」, 未試過, 唯有半信半疑地買回去試。
果然甜度不錯, 柑味很清香, 而且和中國柑最大分別是, 它的"衣"比較少, 所以感覺較juicy嫩滑無渣。
日本靜崗縣蜜瓜$100
想吃靜崗縣蜜瓜很久了, 多次在果欄見到, 但怕很重沒有買, 這次沒買太多其他生果, 終決定買一個, 原價$220, 檔主又收工平賣, 有$150熟了的, 亦有$100熟到好淋的, 我就要了$100那個, 成功比sell熟了才多汁好味, 太生反而不多汁, 生也要擺到熟才吃, 這個只是熟多了一點點, 沒有爛, 也沒問題的。
蜜瓜上有藍色靜崗縣貼紙
回家即晚切開來吃, 果然是超熟的, 檔主教不要切開一片片, 切兩半用匙畢來吃比較好, 原因是, 切開時會流出好多蜜瓜汁, 就浪費了。我邊畢蜜瓜肉出來, 邊發現積存好多蜜瓜水, 可以邊吃邊飲, 從未試過如此暢快, 果肉和果汁都超甜的, 果肉比較軟淋, 皮薄, 可以食到貼皮位置, 臨睡前吃了大半個, 有點肚漲, 半夜也去了toilet兩次, 哈。
-------------------------------------------------------------------------------------
20.10.16 (四)
食靚生果食上癮, 趁有時間放工去一轉果欄, 然後附近吃飯, 再去旺角買東西, 因預計第二天會打得成風, 有著週末放假的心情, 不想這麼早回家, 一個人出去也過得很爽。
第一次收工到果欄, 時間上有點趕, 去到大約18:50, 果欄範圍不大, 時間算充裕, 這個時間稍稍不及星期日下午熱鬧, 人少了, 商販都少了, 有些沒開門, 但大部分仍開, 我走了一圈格價, 見到有些反而場外的較便宜, 而且款式每家有點不同, 要細看。
日本和歌山富有杮 $50/3個
本來是$100/6個, 可能臨收工, $50/3個都照賣給我, 這富有杮沒有太爽, 有少少腍, 但唔粉, 好juicy, 好甜, 同埋都幾大個, 一人獨享好滿足。
日本福岡彩虹奇異果 $45/包
果欄賣$55/包的佔大多數, 發現有一檔場外的賣平$10, 質量差不多, 都是有些很淋, 有些無咁淋, 就揀一包試試。這款奇異果比平常吃的細粒, 切開中間有少少紅色部分, 說它彩虹有點誇張, 是銷售手法, 據說這款改良過的奇異果, 不像一般會令舌頭麻痺, 它甜度高, 一點也不澀。
在打風放假天, 切上日本靚生果, 放在靚靚碟上, 在家悠閒的度過, 多麼幸福。
能享受這悠閒, 我也先付出勞力的, 在起床後先洗衫、換床單、吸床褥塵蟎、抹地、煮菜吃, 辛苦一輪後休息, 吃生果, 看電影, 好寫意!
日本長野香印青提$100/包
這一款提子上次買過, 返尋味, 但價格可以相差好遠, 一般會賣$200以上, 但給我找到有一間賣$100, 仔細觀察質素不差, 粒粒飽滿也沒發霉, 就這一串吧。提子圍著枝莖生長, 數量也不少, 甜度好高, 有香味, 好正。
泰國水仙芒果$50/2個
有時很想念泰國的芒果, 所以買了兩個, 這款沒有在泰國買的大顆, 但價錢算合理, 它的核好薄, 肉多, 芒果肉好甜好juicy好香, 非常美味!
-------------------------------------------------------------------------------------
10.10.16 (星期一)
重陽節假期, 和灰熊去深水埗吃東西, 買鏡頭蓋及遮光鏡 (壞了, 鏡頭蓋開不到, 同時食住遮光鏡), 然後去油麻地果欄買生果。
長野香印青提$100
自從前年去日本吃過這款青提, 念念不忘, 在果欄行來行去, 見到這款樣幾靚, 亦都幾多粒數, 就買這包, 算幾便宜呢, 轉頭見別檔和街巿賣$200+。
個人覺得它好吃過晴王, 晴王一味甜, 甜度高, 這款甜得來有花香味, 與別不同, 皮薄薄的, 不會覺得澀, 超享受。
美國青提$50
這一款美國青提, 是在果欄試食後買的, 雖然買了香印, 但這款也不買不行, 從未吃過這麼爽口的提子, 偏硬身的, 爽實, 也很甜, 放雪櫃不洗可放一星期, 仍然甜, 這一包約$50 大大粒, 都幾抵。
金奇異果 $50/6 隻
有時在街巿買較便宜的金奇異果, 有些是放到乾也不會變淋, 吃不到的, 但這些卻是個個靚, 大隻的, 慢慢變熟好味道。
美國綠寶石布冧$50/5 個
有兩款一大一細的, 都是$50/5 個, 兩者都超甜的。
還想買泰國的水仙芒....不過怕買太多吃不完, 還是下次先吧!
