自煮 - 三文魚魚頭魚骨煲蕃茄薯仔紅蘿蔔洋蔥湯

三文魚魚頭魚骨煲蕃茄薯仔紅蘿蔔洋蔥湯

前一晚北上睡不好, 只睡到約兩小時, 回到港再搭車回家附近約下午兩點多, 身體精神也很疲倦, 但因平日晚實在太忙, 沒時間煮食, 所以若果在星期六日有時間, 煮食的慾望是很強的, 可以儲糧平日帶回公司食, 我通常會煲湯和買定一些水果。

材料:

三文魚骨 一包 $20

三文魚頭一邊 $18

蕃茄 8 個

薯仔一袋 約5個

煎煮豆腐一盒

紅蘿蔔一條

洋蔥一個

三文魚頭要在超巿採購, 有賣三文魚的超巿, 會在旁邊售賣包起的三文魚魚頭和魚骨, 網上資料所見, 大部分人都會用魚頭, 但因怕只有一個頭不夠味, 於是買多包魚骨, 再執其他材料, 紅蘿蔔和洋蔥就在街巿補購。超巿週日超多人, 很多人都像我, 星期日才有時間購物吧, 條條隊都好長龍, 唯有邊上網邊排隊, 剛好用了年底到期兩張$50現金券。題外話, 買了一個洪都拉斯的哈蜜瓜, 我見一田都有賣, $29.9一個就試試, 色澤好橙, 不算太甜, 但也不太淡吧。

做法:

1. 先將三文魚魚骨和魚頭洗淨, 用廚房紙抹乾, 灑上鹽及胡椒醃一會。

2. 這時就可以洗切蕃茄薯仔紅蘿蔔, 開鑊炒香備用。

3. 湯煲煲適量的水, 放入已切絲的洋蔥, 已炒過的薯仔、紅蘿蔔大火滾。

4. 三文魚骨魚腩下油及薑大火煎香兩邊, 大約5分鐘時間, 同時旁邊爐頭煲定水, 煎到三文魚兩邊金黃色時, 就倒滾水撞落去, 滾大約十分鐘, 湯就會變成奶白色了。

5. 將三文魚頭魚骨連湯倒入湯煲內, 與薯仔、紅蘿蔔等同滾, 大火後關細火, 煲約1-2小時, 在最後半小時才放蕃茄和豆腐, 蕃茄煲太久流失營養和會溶掉, 豆腐也是頗脆弱怕會消失掉。

6. 最後落鹽及胡椒調味即成。

成品:

好香的三文魚味, 味道勁鮮甜, 不腥, 全部材料都可以食, 全都營養豐富, 三文魚有omega3、蛋白質, 蕃茄抗癌抗氧化, 豆腐有蛋白質、鈣質等, 薯仔亦有維他命礦物質, 可抗氧化。這個湯令人一試愛上, 整個就是很幸福的感覺。唯一要小心的是頗多魚骨, 但魚骨都是大條的, 危險性不高, 我沒有用魚袋煲, 煲出來應較有味道, 也方便邊喝湯邊吃魚渣。

注意:

1. 為癖去魚腥味, 湯煲完成後, 可放適量胡椒調味。

2. 煎魚後要落滾水, 不能凍水, 滾水撞落去, 煲出來的湯才有奶白色效果。