2017年11月24日 星期五

大澳虎山輕鬆行

18.11.17 (六)

相約這天行大澳虎山, 但一直睇天做人, 因為一星期前已預測落雨, 到了前一天, 天文台更確定下午開始轉涼及有幾陣雨, 到當天早上, 更局部地區開始下微毛, 不過我們組員已準備好出發, 還是決定前行, 不退縮, 最多帶衫及帶遮, 做好準備。

1點在東涌集合, 搭11號巴士入大澳, 天氣不好還是幾多人排, 要兩班車先上到車, 好彩有組員排住隊先, 如果唔係就更晏入到去。



大夥兒先行行大澳, 行行下有人想搵三盞燈茶座, 因為行山路線短, 我們亦有充裕時間, 所以可坐低吃吃tea。

三盞燈茶座由外藉老闆娘主理, 和我們聊了幾句, 在有山有水的地方開cafe是她的夢想, 圓了夢後, 決定回外國和家人一起生活, 所以做多幾個月這裡就結束了, 要光顧就要快。


行上窄窄的樓梯, 樓上風光更好。



老闆娘推介鮮檸蜜, 顛覆我對檸蜜的印象, 一人一杯全是檸蜜, 像有粒粒檸檬皮, 蜜和檸檬味都好鮮, 非常出色, 從來未飲過咁正。


魚餅...都ok但印象沒太深


pizza都好多cheese, 餅底又脆, 都幾好食。食食下個天由陰轉晴, 我防曬、帽也沒帶, 估不到有此一著, 太陽直照我面, 唯有掉轉面食, 哈。


感恩這意外驚喜的放晴



我們食完沙翁, 逆時針方向行大澳, 由爛路上山, 還好沒下雨, 否則這裡都幾難行, 會跣。




不一會就來到景色好優美的涼亭和步道, 雖然欠一個美麗的日落, 但也知足了, 天色也不錯吧。




虎山既不高路線又不長, 不到一小時行完, 在碼頭走走後, 又食野, 今日攝取絕對多過消耗很多。


晚上大夥兒去橫水渡小廚吃晚餐, 其實都未餓, 不過食下食下又食到。

炸黃金魷魚, 都幾正, 魷魚又唔靭, 大大隻。


蜆偏細隻


最好食呢個餸, 蝦醬炒菜心, 蝦醬好香又唔太鹹, 菜心好爽嫩, 食到停唔到口。


咸鮮籠仔荷葉飯大家不太欣賞, 覺得飯乾和沒什麼味, 我覺得和其他餸一齊食無問題, 用料都幾地道。



炸墨魚餅, 都食到幾多墨魚粒粒, 但鮮味似乎不足。


飲飽食醉, 非常開心的一天, 如果運動量多點就更好了。

2017年11月23日 星期四

行山 - 紫羅蘭山 大潭水塘

11.11.17 (六)

行山暫停了一整個夏天, 跳舞和空中瑜伽玩了一陣子, 都暫停了, 靠踩單車維持少許運動量, 10月底11月開始秋風送爽, 又令人想出外走一走了。

很高興識最近識到新朋友, 當中組織志同道合行山團, 都是行輕鬆路線為主, 悠閒的走走也不錯。今天在中環集合, 打算行紫羅蘭山和大潭水塘。紫羅蘭山我已行過, 都是平路來, 對我來講只算是行路, 沒什麼感覺, 不夠皮。


接著大夥兒嘗試挑戰一下樓梯, 這裡該是衛奕信徑, 令人有少少累的感覺, 這才爽, 有隊員不敵樓梯, 要小休, 還好最後大家都成功攻頂。




這片該是蘆葦而不是芒草






落的路有點爛


走到陽明山莊


陽明山莊樓下就是大潭水塘路徑, 像它的私人花園, 這些就是quality of life吧。






行完大潭要等長長人龍搭車去柴灣或小西灣, 從赤柱來的巴士都沒多少位可上, 還好我們搭到小巴脫出。

全程慢慢行了三個幾鐘, 再次呼吸郊外大自然新鮮空氣, 非常暢快, 而且今天不曬, 連帽都不用戴, 溫度又剛好, 實在很美好的一天。


2017年11月20日 星期一

太子花墟美食節2017

19.11.17 (日)

太子花墟美食節2017

街頭美食節, 一向少參與, 因為驚多人, 聽聞上次葵芳食品嘉年華排隊入場都排到出去, 灰熊說想陪我去太子花墟美食節, 我起初不太有興趣, 但後來想睇波鞋, 所以就順便先去太子啦。

一點幾去到, 未算太多人, 可以行得到, 場內熟食的不多, 加上了兩架美食車, 基本上逢親熟食都好多人排隊就是, 廿個人起跳是基本。


這一檔是急凍餃子小籠包試食價 小籠包$10/3隻, 餃子$10/6隻
都有約20個排隊, 而且人龍消化速度好慢, 無奈入場後有點餓, 都想食, 我們兵分兩路, 我排這個, 灰熊排大師傅美食車。

小籠包同餃子其實都幾好食, 有水準, 不會太鹹, 也不像雪藏的, 有鮮味。


大師傅鴨肉叉包$38細細個, 但衰鬼又幾好食, 鴨肉好香唔靭, 包好軟熟。


買左金盞花羅漢果茶$15, 比較清淡, 可能無添加關係, 個樽幾靚可以重用。



呢檔有蚵仔煎的可能是最多人排的, 不過進度都算快, 好像是太子的好媽媽餐廳主理, 之前有食過, 我們排的時候剛好買到最後的蚵仔煎。


冬瓜茶 個樽好靚 都幾好飲


蚵仔煎$40 醬比較少, 略貴, 味道其實一般, 和台灣的差頗遠。


金鳳一口牛$38 這個比蚵仔煎好吃, 牛好嫩, 仲有蒜蓉好夾, 可以食埋啲生椰菜添。


花膠螺片$20 舊花膠好大舊而且膠質豐富, 似貴野, 希望補充一下骨膠原。



買了$30/2袋蕃薯 (蕃薯都有得試食幾有heart), $20一包日本柑, $55/4支粟米汁, 滿足了。