肥媽屋車仔麵 - 用料實在, 價錢便宜!

4.1.16 (一)

早前看報章得知香車街有間叫肥媽屋的車仔麵店, 老闆肥媽對選料同製作都認真, 於是lunch就和同事來朝拜。中午一點多來到, 排隊落order再加等麵來, 到一點四十五分才開始食, 食得頗急呢, 如果可以早一點點來會比較好。

肥媽屋, 在陳設簡陋的街巿中, 仍有很多人排隊吃。

車仔餸中牛腩和豬大腸比較貴, 其餘價錢都很相宜, 幼麵粗麵更只是$4一個。

我叫了撈幼麵$4, 蘿蔔$4, 芥蘭$5,墨魚丸$4, 冬菇$5, 豬皮$6, 總共才$28, 

已經大大碗, 每樣餸都份量頗多, 十分豐富。因為見價錢不貴, 就叫了四個餸, 女生來說有點多, 不過麵的份量偏少, 男生可能要叫兩個麵才夠。

我第一次來這裡食, 眼見食客九成也叫撈麵, 所以也跟隨了, 之前報章說有秘製的沙爹撈麵醬汁, 不過今天只有蠔油或咖喱汁選擇, 就要了咖喱汁, 咖喱汁不算很濃, 淡淡的也夠味。

蘿蔔清甜無渣, 芥蘭翠綠鮮嫩, 墨魚丸比較粉輕微墨魚味, 冬菇好大件炆到好淋入味, 豬皮較爽未夠淋。比較欣賞菜的份量好多, 對愛吃菜及需要菜的人來說, $5的菜很充足好抵食! 總結蘿蔔、芥蘭、冬菇值得再吃。

同事叫的牛腩, 炆得軟淋, 腩汁好味, 魚片頭比平常吃的淺色, 味道不太突出, 芝士腸就是普通來貨。

用來裝麵的碟款式好古典