疫情下活動變陣 - 大帽山日出 不完美 可接受

疫情下活動變陣 - 大帽山日出  不完美  可接受

疫情下, 原本滿滿的活動, 通通都沒得做, 夜晚到處吃飯、空中YOGA、FACIAL都要暫停無得留低。生活回歸平淡, 唯有想想有什麼別的可以做, 而又不會對公眾衛生有太多影響。

於是想到了去睇日出, 選了有車比較方便的大帽山, 也行得輕鬆。

3點左右在屯門出發, 朋友第一次夜晚駕車上來, 大帽山的路狹窄而且很黑, 有些路段只靠車燈照明, 有點驚。

可以先去郊野公園停車場去洗手間, 再駕上山, 去到閘口附近會有少量停車位, 我們去到有位停。

然後行上山大約半個鐘內已到頂, 有一片神秘的黃光原來是黃燈。

上到去才4點半, 天還是漆黑無光, 我們斜依在山坡腳, 間中下細雨, 都難以休息。

至05:18開始有光, 今天又有雨又多雲, 心裡都準備食白果, 來體驗這次白果山。

數年前除夕也和朋友去過大帽山睇日出, 那次是完全看不到的, 但在落山時很好天。

05:30 雲被吹散的一剎, 見到漂亮的天空, 這時未到日出時間, 但也見到太陽光了

05:57 已是日出時間了, 從雲端中窺探晨光第一線

06:07 基本上日已出, 也準備下山了

06:12 在落山的途中, 也不斷捕捉它

06:23 看見了天邊美美的雲, 排成一線

遠處有一些牛群, 像童話的樂園

07:15到達端記茶樓

每一次來大帽山, 不去過飲茶總覺得唔安樂, 今次也不例外。
睇完日出渣車黎, 泊左較遠的車場, 有位free park。
坐低自己沖茶拎野食
拎左燒賣、蝦餃、牛肉、叉燒包、牛栢葉
燒賣比較硬實, 牛肉不夠香, 叉燒包不夠鬆軟, 其他不過不失

後尾見到有人食菜, 叫了一碟通菜, 份量特多, 食唔晒。
而且菜好硬/靭, 唔知係咪好老, 但個樣睇唔出。

睇日出我都偏好在山頂, 有了雲變化較大, 每一秒都有不同體會。

不過山頂睇日出失敗率較高

下次有機會試試去海邊睇日出吧