2018.6.15 (五)
請錯人真的好大鑊, 突如其來的加重我的工作量, 要想如何處理, 去做不同行動, 步署, 寫報告, 刻不容緩, 令到我精神十分緊張, 臨近放工時緊張到又有腸痛的情況, 像抽住抽住的肚痛, 打去元朗牙科中心confirm今天booking, 順便說聲大約遲十分鐘到, 姑娘十分窩心, 說工作忙未必準時放到, 我明的, 遲了沒問題, 只要你不怕等就可以。
約了六點, 我也大概遲了十分鐘到, 去到剛好上一位剛洗完, 很快就到我, 躺上椅上先檢查牙齒, 牙醫說我刷牙還可以, 沒有蛀牙, 正式洗時戴上耳機, 但音樂不夠大聲, 其實仍清楚聽到鑽聲, 只是令自己分心一點, 我也想東想西令自己分心, 洗牙過程有痛和痺, 但程度可以接受, 嗽口出來頗多血, 牙醫說因為我牙石多, 要洗得入牙隙, 便會多出血, 如果用了牙線會好點, 雖然痛, 也忍著讓他慢慢洗, 他洗得很細心很仔細, 下次記住搽多點潤唇膏, 口唇張開得大有爆裂危機。
洗完牙後, 牙醫再次苦心提醒我用牙線, 說牙刷不會刷到兩隻牙之間的隙, 污垢細菌會越積越多, 會侵蝕那位置及牙床, 之後就越藏越多東西, 外表是看不出來的, 如果不用牙線, 即使有洗牙也一年比一年差, 一年比一年痛, 聽到我覺得蠻恐怖, 很想開始試試用牙線, 想找找資料, 到底用哪款比較好。
洗牙$400, 嗽口水$30, 牙刷$20, 牙膏sample是送的
嗽口水頭一星期刷牙後用, 含30秒吐出。
姑娘提示頭一星期避免喝濃茶, 怕有顏色食在牙上, 亦再提示我用牙線, 這裡的姑娘年紀較長, 感覺很有經驗, 也給人很親切很窩心的感覺, 很好的服務, 年輕的都姑娘比不上, 也看得出這牙醫是實幹型, 所以我每年重複地幫襯他。
還有, 每年到差不多時間, 會打來提示我洗牙, 我就襯接到那電話預約的。
元朗牙科中心: 2478 6333
黃國仲牙醫
沒有留言:
張貼留言