11.3.16 (五)
知道荃灣新開肉餅專門店, 幾特別的題材, 又覺得熊灰應該幾鍾意食肉餅, 因為他是食肉獸, 就帶他來做白老鼠先。
肉餅哥位置有點偏, 近爵悅庭那邊的一些工廈, 由楊屋道那邊行過去, 會經過一些車房。
餐廳以木做主題...
牆用上灰色, 有點冷門, 灰色給人感覺有點暗沉有點舊。
肉餅跟餐有湯飲, 例湯通常都水水的, 但這個卻有驚喜, 看上去已很濃了, 飲落是煲了很久的老火湯味道, 無味精, 好好飲。
今晚例湯是青紅蘿蔔煲雞腳, 料都煲到溶溶碎碎, 想必煲了很長時間, 怪不得味道那麼濃郁。
涼拌青瓜 $22
好多蒜蓉粒粒, 蒜味好強勁, 味道酸酸辣辣, 辣度不算太強, 青瓜爽脆, 不錯的小吃。
另外加錢配了凍熱檸賓
原隻龍蝦肉餅 $98 (跟餐)
肉餅可揀蒸或煎, 猶疑了一會, 受不了煎的香口誘惑, 選了煎的。
底下的飯可選白飯、菜飯、油飯, 選了菜飯, 感覺健康點, 又有點咬口, 有點菜香味。
肉餅煎得果真香口, 外皮有點脆脆的, 內裡豬肉混入了龍蝦肉, 雙重鮮味, 多汁可口, 加上一些蟹籽, 更有咬口及多了份咸鮮味, 用來送飯一流! 不過煎的始終有點油膩, 下次可選蒸的比較一下。
旁邊的龍蝦鉗已被爆破開, 很方便咬到肉, 可惜肉質卻令人失望, 好乾好乾, 食之無味, 唯有棄掉。
啫啫菜煲 $68
非食肉獸的我, 必要叫個菜, 才能平衡這餐的罪惡感, 原以為菜煲有多種菜, 但只有小棠菜呢, 有些人是不太愛小棠菜, 我倒是沒有問題, 菜煲得軟硬適中, 菜頭有點爽口, 汁料調較得宜, 惹味又不太咸。
有飯, 有肉, 有菜, 這樣才營養均衡嘛。
黑椒薯仔牛柳粒 $98
薯仔經炸過才炒, 特別香口又薯味濃郁, 讚!
牛柳粒亦非常有驚喜, 軟嫩多汁牛味濃, 吃到停不了口!
唯一個人有點不喜歡的是, 黑椒味濃了一點, 黑椒粒大了點, 不小心吃到的話黑椒味更爆。
XO醬炒三鮮牛骨髓 $98
原來這碟也有西蘭花, 西蘭花翠綠爽口, 早知道可以不叫菜煲了。XO醬把材料炒得幾鮮味, 帶有微辣, 三鮮即是牛骨髓、海蔘、蝦球, 牛骨髓口感滑嘟嘟的, 但沒什麼特別味道, 海蔘已炆得頗軟身, 亦都入味, 蝦球幾爽口, 可惜蝦味較淡。
總括來說, 肉餅哥的肉餅果然出色難忘, 很多不同創新口味, 極具創意, 勇於嘗試。小菜中黑椒薯仔牛柳粒亦令人驚喜, 如不介意裝修簡單, 茶餐廳佈局, 這裡會是街坊開飯好地方!
沒有留言:
張貼留言