灰熊東京生日遊 DAY 4 - 雨中朝聖鎌倉高校 池袋逛街
16.9.17 (六)
01:30訓, 09:00起身, 這天算是睡得比較多, 早上先吃godiva蛋糕, 錢和肥都放在一邊, 這個無另一個撻層次豐富, 但都不錯吃。
搭車前再買早餐, 好靚的三文治, 要近hk$30但確是好食新鮮, 值得一試。
由上野搭車去鎌倉大約一小時, 由東京站轉橫須賀線, 但價錢就比去輕井澤便宜多, 只￥960。
靚但好快滿的回收箱
鎌倉站轉江之島電鉄去鎌倉高校站 ￥260 搭約20分鐘
去到下著微雨, 好多雲, 天公不造美了。
有人著高校衫和籃球衫朝聖
影到滑浪友目及女一刻 哈
過呢條馬路都幾有風味
不過對面沙灘唔靚...無咩睇...
加上又凍又落雨...我地都好快走人
搭車返鎌倉行街, 在司機背後一齊欣賞好風光, 感覺做這工作幾幸福, 可以天天看好風景, 原來日本駕電車要好多手勢, 即使無人睇到仍做足, 好敬業。
去車站附近的小町通行街, 今天雖然天氣不好, 但呢條街仍然人山人海, 東京人很喜歡放假來這邊走走呢。
灰熊很喜歡吃這裡的燒賣, 食完要番卓多一次。
來到這都有貓頭鷹cafe, 不過只拎公仔出黎, 對它好一點吧。
本來想食鎌倉釜飯, 要等約半小時, 仲要等到一半先話無海膽三文魚子, 即閃。
哪裡都見到杉養蜂園
轉戰去網評不錯的彩八倉, 等了一會好快有位。
二色丼 ￥1750 有熟魚仔同生魚仔, 熟魚鮮甜, 生魚有少少甘味生味, 熟好食點。
灰熊叫雜錦天婦羅￥1800 野菜同蝦都好食, 用料靚, 蝦實淨好鮮, 炸皮薄但不脆, 蒸蛋滑。
去左呢間買手信, 因為人山人海, 羊群心態。
賣的是脆脆包著花生
i cremia ￥500 好香好濃 曲奇皮好脆香, 令我一食再食的雪糕。
日本的樽裝水又靚又好飲
回程順路去東京站深jackie
原來要tax free要先去下一層中央處理, 然後才回到店舖購買。
不小心就買了￥7653
跟住去池袋shopping 18:00-21:00和灰熊分頭行事, 我去行sunshine city, 這裡是我的天堂, 愛牌都在這裡, 有部分有折呢。
pageboy上衣原價￥3900 折後￥1080, 不買不行吧。
￥300 店買的雨衣和橡筋
sunshine city仍有jackie小天地
柴犬的東西很可愛
很想買一件黑色衫, 無特價都買 ￥3500 majestic legon 仲要最後一件咁受歡迎
jeansis買左個紅藍手袋, 好冬日feel ￥8100
不是有名牌子來說覺得有點貴
但摸上手皮幾舒服, 間格也實用, 想了想行了一圈還是回頭買。
可愛的熊人
之後去西武行LOFT, 灰熊就去美利登排隊吃壽司, 要排大半小時才到
排隊很多都是香港人
豚肉味噌湯, 又平又多料又好味, 愛上了!
蜆湯幾鮮甜, 但部分蜆有沙。
總括: 二人食左￥3272 實在是好平, 湯、蝦、帶子都不錯, 其餘普通。
記憶力香口膠, 新出品, 灰熊見到買了一堆, 回來後才廣被討論。
記憶力 有這麼容易變好嗎?
東西一大堆 今晚要執拾令人煩惱
第四天完
沒有留言:
張貼留言