記錄一下近年購買iphone記錄, 大約隔4-5年, 每隔5代iphone先轉一次機, 而因為舊機價值不高, 所以留下當後備機可能比較好。
2015年iphone6
2020年iphone11
2024年iphone16 pro
2020年當時已出iphone12, 但都選買平少少的iphone11, 因為覺得相機和其他都沒太大分別, 經過這些年的使用, iphone11仍未至於好多問題, 主要問題如下:
- 有時會彈app, 最討厭是openrice 揀好相upload相, 加埋字搞一輪後彈出去由頭再來過
- 相機可能因為高度使用, 已出現一些死點, 發現的時候想去維修, 但又不想花錢, 用著用著又習慣了, 自己都不太留意到
另外, 自己很常用手機影相拍片, 經過5代之後, 又見到朋友用新機的分別, 自己都想upgrade電話相機, 主要在於影相景深更靚更多玩法, 及拍片有電影模式。不過對我來說, 還是相機影相勝iphone。
買的時候門店還未有貨，上網買原來不能揀送到門店取貨，一定要寄送，家裡沒人只好試試寄去公司，好在送貨員提早打給我，順利交收。選了新的沙漠式，是淺啡/淺金色覺得幾靚。
新機iphone 16 pro似乎比舊機iphone11重少少, 大小覺得差不多，
很久無玩過data, 開左機就開始轉移你的資料, 但顯示7-8個鐘經過2-3個鐘仍然沒任何進度, 於是關機再開重來, 之後在2個多小時完成, 都算是快, 我在轉機前已del相簿及一些whatsapp相, 令進度加快, 第一次7-8個鐘好似錯揀了由icloud下載, 實際應由iphone轉移才對, 而朋友說應2部機連上wifi, 但新機根本未入主畫面, 不知怎連, 舊機本來連了wifi, 但轉移時又被轉電話訊號。
再重新開始
使用了幾天感覺良好, 營幕感覺較靚及手感較順滑, 有些畫面覺得好突出甚至有點立體, 拍片好看了很多, 相機有很多可調較的顏色效果幾好, 執相方便, 而多了的實體相機制就有點多餘了, 在淘寶買了新的casetify case, 滿意。
