勝興茶室 - 小島的人情味

16.4.17 (日)

復活節第三日假期, 相約同姊妹去坪洲走一走, 有幸趕到12點45的船, 但要坐到最前排, 覺得那個位好焗空氣不通, 令我暈船有點作嘔, 勉強撐到下船差點作嘔, 由友人帶路來到這間店吃點心。

餐牌是沒有放出來的, 因為想叫的不一定有, 要問問店員, 如有可落order叫。

間中亦有點心車出, 以包類、飯類、燒賣牛肉等最多, 有時店員會sell推出的點心, 叫我們試下啦好食架, 好搞笑。

鯪魚球, 大大粒, 爽彈滑溜, 有點像魚蛋般, 味道不錯。

鳳爪排骨飯, 排骨軟香肉脂豐盛, 配上自家甜甜地的豉油, 有水準。

炒菜心, 後加像xo醬或蝦乾的東西, 令這菜加分不少, 在郊區吃到的菜, 好像比巿區買的更有菜味呢。

蝦丸

以豬肉和蝦製成, 感覺就像是蝦餃啊, 只是沒有了黃色外皮, 吃了這個不用食蝦餃了。

豆沙包

以紅豆為餡料, 味道偏甜, 紅豆整到好沙狀, 好豆沙, 包亦鬆軟。

雞扎

材料有香芋、豬皮、火腿、雞肉等, 各款料味道不錯, 尤以雞滑溜最突出。

叉燒腸

有點失望的一道, 腸粉皮頗厚, 叉燒質感粗糙, 實在一般。

三個人吃以上的點心, 每人$55, 食得飽, 價錢不貴, 店員忙碌得來都幾友善, 會照顧客人, 幫我們落額外的單, 問有沒有某點心等, 感受到小島的人情味。