團購La Mod O2 Jet Peel 頭皮潔淨療程 + head spa + 洗剪吹

7.10.17 (六)

早前因為想剪頭髮, 買了La Mod Groupon團購, 買完後上網見到有劣評, 主要係反映職員態度差, 效果也不理想, 於是就拿拿聲買另一個團購Define Hair Studio剪, 剪出來效果也滿意。最近見La Mod團購就到期, 雖然不貴只是二百幾蚊, 但不做白不做, 也就硬著頭皮去吧。難得約到星期六下午, 本身約三點但因為怕等太耐接唔到下場, 預早左半小時去到, 去到時還不多人, 但好快就差不多滿座。

La Mod環境比人感覺幾高級, 每位奉上茶或水, 有唔只一個姐姐掃地同斟茶, 好好招呼, 不過奇怪無幫客人keep袋, 不知是否發生財物不見的不愉快事件, 就要全程自己看管了, 不過張枱夠大, 放在枱都卓卓有餘。

我買的團購包括:

2.5 小時髮型美容身體護理療程 只售 $248 (標準價 $1,950)

療程包括： 

- O2 Jet Peel 無痛活氧頭皮潔淨療程 

- Shiseido Professional head spa 

- LA MÔD 星級剪髮

坐低好快有職員來, 用一部相機幫我影頭皮狀況, 說好污糟, 平時洗頭太快速沖不乾淨, 容易有毛囊炎和吸收不到營養, 建議我keep住做O2 Jet Peel, 然後又說我髮質差, 建議加$400(半價後)做護理, 我說不用加, 她就走了。

接著有人來幫我洗頭, 洗兩次, 用手指頭按擦頭皮時感覺舒服, 水力好猛感覺洗得特別乾淨, 然後就有一位幾年輕和斯文的top stylist Hermes Ching來幫我剪髮, 他不會硬要跟客人聊天, 但問他問題就很樂意分享解答, 例如說, 如果要電鬈髮, 我應該要留長點才行, 我的髮質髮量, 不能剪太碎, 只能在尾位剪層次, 現在的長度+2吋左右令整體個型較好看, 是個幾有想法有經驗又用心的stylist。

然後就到做treatment, 有一位似是專門負責O2 Jet Peel 無痛活氧頭皮潔淨療程工作的男生把機搬過來, 噴槍噴出來的霧氣是生理鹽水, 仔細清理噴洗頭皮, 感覺是涼和爽, 而且持續幾小時的爽快感, 好舒服, 感覺也有點像做注氧facial, 清洗完就立即拍照, 果然是乾淨很多, 雖然如此, 我懷疑所謂的污糟對頭髮的影響, 也沒太多閒錢花在頭上, 也不會定期做吧。

做完就另一位幫忙洗頭, 過程中就做 Shiseido Professional head spa, 就是搽上護髮精華和少少按摩頭皮吧, 也是幾舒服, 再由stylist吹頭和以梳及風筒吹尾卷內髮型。    

總括今次經驗, 完全不是網上聽到的樣子, 由reception到姐姐到stylist全都很有禮貌服務好, 可能前幾年較差近來已改善, 又可能我幸運的遇到好的人, 想買這購團的, 也值得一試, 這次的服務是超值的。

完成後的相片:

髮型其實變化不大, 但細微的層次感還是有比以前好看, 同事也察覺到, 特別是我夾直頭髮時, 效果更出, 如想剪好髮型, 都會搵返佢。