信芯園賞百合 + 大生圍賞日落

3.3.18 (六)

連續多個週末陰天霧天, 終於都放晴了, 原約了姊妹去大生圍, 而即日見到新田的信芯園因百合遲開花, 未能趕及新年出貨, 現在開園給大家觀賞和買花。我們在元朗站附近食TEA後, 本身想在博愛醫院站搭76K去新田, 但半小時一班的巴士竟爆滿飛站, 我們只好搭的士, 因誤會兜路遠了, 不然應50-60元就到。

落車已見到好多人走入去, 反應十分熱烈。

花是美的, 但大部分都不許行入去, 及用網圍住, 所以能欣賞的不多。

買花的人有不少, 幾乎一拿出來就被搶掉。

遠遠的觀賞, 其實也幾靚, 因為今天有陽光。

好喜歡呢張樹, 棵樹很美, 像畫一樣。

本來約了晚上六點晚飯, 不過又未餓, 又想去埋大生圍, 就不理了。

又搭的士去, 豪一豪吧, 除返也不算太貴。

在大生圍到處走走, 主要想搵魚塘景睇日落, 不過走入去真是十分恐怖, 要鼓起十足的勇氣才行, 因為一堆又一堆的蚊滋在等我們, 張開口或大啖呼吸應該會吸入它們, 很驚。強忍著恐慌, 走入去影相。

今天的日落不算很驚喜, 就普普通通吧, 看完後坐車回元朗巿, 買了一會手信才去吃東西, 晚餐是吃榕記蟹雞煲, 算是補祝我生日, 第二輪是八點開始吃。