2014年4月22日 星期二

魚香茄子

22.4.14 (二)

話說老細病假了一星期, 事緣是有一天晚上睡覺時突然流鼻血, 入醫院發覺高血壓達200, 又缺鉀, 要做一系列檢查

今天老細回來了一會, 面色很青, 他處理一些急的文件, 和我們聊天, 說起事發經過, 概嘆健康的重要, 同事懷疑他之前lunch出街吃太多, 才會出事, 老細本身常帶飯, 又常做運動, 身形都幾fit的

由於復活節期間吃得比較heavy, 令我今天有強烈的煮飯來帶飯衝動, 一來健康一點, 又有菜食, 二來公司附近沒什麼好食, 要行好遠才有, 一般我懶出去食, 沒帶飯只有叫外賣, 而外賣來來去去也是叫薯仔雞、翠肉瓜炒肉片之類, 雖然有少許蔬菜類, 但仍是無益及悶

放工等巴士很不順利, 等了差不多半小時也沒車, 最後唯有上了去元朗的車, 還要被一個肥婆惡啤及鬧, 明明自己肥過不到, 說我故意阻住她, 我已側身讓她過, 不過車上多人, 我都沒和她爭辯, 忍了算

因為遲了上車, 只有在元朗才能買到餸, 就去元朗買餸, 再回家煮, 比平時遲了一小時, 累, 還好有牛先生來協助我, 他要花大半小時從公司到我家, 走的時候又要花一小時回家, 他對我從來不怕累 (暫時^^)


今晚想煮的是魚香茄子, 因為早前發現買了兩包李錦記魚香茄子醬很久未用

材料: 茄子兩條$7, 肉碎$10 (元朗買肉碎比天水圍多好多), 葱$2, 魚香茄子醬$5

做法: 茄子切條烚軟撈起, 蒜頭切碎落鑊, 炒肉碎至7-8成熟, 落茄子, 落魚香茄子醬, 適量落少許水, 加葱粒便完成

這個菜式非常簡單, 送飯一流, 我會加一個烚清菜來帶飯, 因為這個餸濃味, 清菜剛好中和到, 但牛先生說清菜完全無味, 因他平時習慣重口味, 我卻覺得有清新菜味, 沒有問題啊!

沒有留言:

張貼留言